قصة قصيرة

(1)
-انا معجب بيكى وبحبك
-ما انا عارفة
-وانا عارف انك عارفة
-انا كنت متوقعة الاولى, انما التانية مش صعبة شوية؟؟
-وايه اللى صعبها يعنى؟؟؟
-يمكن علشان احنا مع بعض على طول فانت ابتديت تفكر فى الموضوع ده, ولو كنا بعاد عن بعض مكنتش جيت على بالك اصلا
-ماهو اكيد علشان احنا قريبين من بعض حبيتك.. ولا انا ححب واحدة معرفهاش!!!
-بس انا بنى ادمة مملة وانت حتزهق منى بسرعة
-لأ, انتى عجبانى كده
-مش شايف ان لسه بدرى على الحوارات دى؟؟
-بدرى ايه؟ انتى عديتى 19 سنة دلوقتى.. ولا عايزة تفكرى فى الحوارات دى امتى؟؟ وانتى 50 سنة
-بس انا بنى ادمة مملة وانت حتزهق منى بسرعة
-قولتلك انتى عجبانى كده..... هو انا اشتكيتلك
--------------------------------------------------------------------
(2)
-الو
-الو, ازيك
-الحمد لله تمام, عاملة ايه؟؟
-كويسة... وانت ايه اخبارك واخبار الناس اللى عندك؟؟؟
-مفيش جديد.. عادى يعنى
-!!شكلك كده مش مطمنى
-عادى ,عايش حالة ممل
-ليه بس كده؟؟؟
-الحياة هى هى.. انا اتخنقت خلاص
-يابنى روق, متعملش فى نفسك كده
-انا مش متضايق, فترة وحتعدى,,,,, او تقدرى تقولى عدت خلاص