هل من حق القبطى انه يبقى رئيس جمهورية؟؟؟

انت عبيط يابنى ولا ايه.. بس بس متقولش كده تانى احسن حد يسمعك..

اكيد طبعا مش من حقه,, كسر حقه هو وكل اللى عايزين يبقوا رؤساء.. احنا معندناش الا رئيس واحد اوحد متفرد.. ومينفعش اى حد تانى يترشح بداله..

مش علشان القانون بيمنع ,, ولا علشان الامن بيتحكم,, ولا علشان حتى انه مش هيفوز..

بس لسبب بسيط اوى.. ان مينفعش نجيب قفا تانى يحكمنا غير القفا اللى بيحكمنا.. هو انا قفايا زى قفاك؟؟

هى دى اختلاف طبيعة البشر,, وعلاقتنا بالقفا ده حتمية تاريخية , او زى ما تقول كده تجاذب روحانى,, كل ميسر لما خلق له وهو اتخلق علشان يبقى ريس..

تقولى بقى نجيب قفا تانى مسيحى ولا قفا مسلم ولا بوذى ولا بيعبد النار.. مفيش فايدة

عارف هتقولى ايه عارف,, انت بتسال عالحلم اللى نفسنا نحققه مش الواقع اللى احنا عايشينه.. وانا فاهمك بس كل واحد ينام على الجنب اللى يريحه..

يعنى لو انت قرد وبتحلم بدولة قرود اكيد الريس فى خيالك قرد كبير,, او لو انت كائن فضائى وبتحلم بدولة فضائية اكيد برضو الريس بتاعك هيكون كائن فضائى محترم كده.. ولا ايه؟؟

وزى ما قولتلك طالما كل واحد بيحلم بمزاجه تبقى هيافه انك تشيل من حد علشان شوية احلام وكوابيس انك تبقى الريس ولا هو الريس

لا انت كده بتعقدها.. عايز تسبتنى يعنى وتحرجنى قدام الرجالة؟؟!!

اه فاهمك.. لو انت قرد بقى عايش فى الفضاء؟؟ او كائن فضائى عايش فى الغابة؟؟ يبقى ايه الوضع؟؟

اقولك بكل بساطة انت دلوقتى كائن فضائى..

عايش مع شوية قرود -ركز معايا-

ومقتنع ان هما قرود -ركز كويس-

ومقتنع اكثر انك كائن فضائى -ركز اكثر-

وانت مش ممكن تبقى منهم ولا هما ممكن يبقوا منك,,

يبقى انت ايه اللى دخلك بين القرود يا بايخ؟؟؟؟؟؟؟؟!!!!!!!!

هاااااااا سبتك ولا لسه.... اتقل عليا انا جايلك...

عارف بقى لو انت كائن فضائى,, وساكن مع القرود فى الغابة اللى فى الفضاء -مركز ولا مش مركز؟؟-

يبقى ساعتها بس اقدر اقول عليك قرد فضائى

وابقى حليتلك مشكلة المسميات يا عم التايه