رسالة الى البقر

فى جريدة روزاليوسف بتاريخ 7-10-2007 نشر الاتى بالصفحة الثانية

توزيع 159 عقدا على واضعى اليد بشمال سيناء

قام اللواء احمد عبد الحميد محافظ شمال سيناء بتوزيع 159 من عقود تمليك المنازل والاراضى الزراعية على المواطنين من واضعى اليد بالمحافظة طبقا لقرار رئيس مجلس الوزراء رقم 2041 لسنة 2006.
قال اللواء احمد عبد الحميد انه سبق توزيع دفعتين من قبل وهناك 3000عقد اخر جار مراجعتها تمهيدا لتوزيعها على المنتفعين كما تمت مراعاة ظروف المواطنين بحيث لا يزيد سعر البيع لمتر الارض على 3 جنيهات للمنازل و50 جنيه للفدان. بلغ اجمالى العقود التى تم توزيعها 350 عقدا بالنسبة للمبانى والعقارات, 196للاراضى الزراعية بمساحة 1868 فدانا

انتهى الكلام ..

محتوى الرسالة قد نجده صريح ومباشر,, اعذرنى فقد اخطات .. نعم اخطات..

ارجو منك اعادة قراءة الفقرة السابقة بتانى والتوقف عند كل لفظ فيها مهما صغر


اعدت قرائتها؟؟
احتفظ بما فهمت لنفسك ودعنى اخبرك بما فهمت انا

ولكن اولا لابد من خلفية عن القضية لمن لا يعلم..

القضية بمنتهى البساطة هى مشكلة حول ملكية الاراضى الخاصة بالبدو فى سيناء.. البدو قد عاشوا فى هذه الارض لازمنة طويلة, من قبل ان يتولى حسنى الحكم ومن قبل ان يقوم الجيش بالثورة ومن قبل الملكية ايضا.. عندما كانت كل الارض صحراء ومشاع للجميع يتنقلون فيها مع مايرعونه من حيوان واستقروا حيث استقروا فى ارض وضعوا ايديهم عليها قبل ان تكون ملكا لاحد,, ولكن المشكلة تتلخص فى توثيق ملكية هذه الاراضى,, يعنى من الاخر نعمل عقد ونروح نسجله فى الشهر العقارى وهيئة المساحة بالمحافظة..
الارض ملك لهم ولاجدادهم قبل تاسيس الشهر العقارى وقبل تاسيس باقى اجهزة الدولة..
ولكن اصبح هناك طريقا لتوثيق الحق بالمستندات..
وما المانع؟؟
الدولة تتعنت..
لماذا؟؟
جاوب عليها انت

نرجع للفقرة المذكورة.. طبعا انت قراتها.. واعدت قرائتها عندما طلبت منك ذلك

اقراها انا بقى

توزيع-كلمة تحسسك ان احنا فى مولد- 159 عقدا-عقود كتيييييير فشخ على راى ميلودى trix- على واضعى اليد-كلمة قريبة فى ذهنك من كلمة الحرامية وكان ممكن استبدالها بالسكان\الاهالى\البدو\اصحاب الارض- بشمال سيناء

قام اللواء احمد عبد الحميد محافظ شمال سيناء بتوزيع-من مال ابوه- 159 من عقود تمليك المنازل والاراضى الزراعية-الحق اقفش اى حاجة- على المواطنين من واضعى اليد-كمان مرة بتتكرر- بالمحافظة طبقا لقرار رئيس مجلس الوزراء-اللى هو ابوه- رقم 2041 لسنة 2006.
قال اللواء احمد عبد الحميد انه سبق توزيع دفعتين من قبل وهناك 3000عقد اخر-شوفت؟؟ ده لسه هيوزع كمان- جار مراجعتها تمهيدا لتوزيعها على المنتفعين-من المنفعة, يعنى احنا بننفعهم مش بنديهم حقهم- كما تمت مراعاة ظروف المواطنين-فيهم الخير- بحيث لا يزيد سعر البيع لمتر الارض على 3 جنيهات للمنازل و50 جنيه للفدان.-تخيل واحد بيشترى بيته او ارضه اللى هى ملكه ووارثها عن ابو ابوه- بلغ اجمالى العقود التى تم توزيعها 350 عقدا بالنسبة للمبانى والعقارات, 196للاراضى الزراعية بمساحة 1868 فدانا-ارقاااام كتيييييييييييييير فشخ,, بس لو حسبتها هى مدينة زى العريش لوحدها فيها كام بيت؟؟؟؟ وحواليها كام فدان؟؟؟؟ يبقى لما يوزعوا من مال ابوهم على المنتفعين واضعى اليد المحتلين دول 3000 عقد يبقى رقم قليل فشخ.. طب ولما تبص لمحافظة شمال سينا كلها عايش فيها كام واضع يد ومنتفع لما كل واحد من دول يدفع اتاوة 3 جنيه على كل متر فى بيته و50 جنيه عن كل فدان ورثه من ابو اللى جابوه يبقى مين اللى منتفع يا بقر؟؟؟؟؟؟؟؟؟؟؟؟؟؟؟؟؟؟؟؟؟