-تفتكر جمال هو اللى حيمسك بعد حسنى؟؟
-اكييييييييد
-ليه يعنى؟؟ علشان مفيش حد غيره والكلام الفاضى ده؟
- انت شايف ايه؟؟
- انا شايف انك لو بتفكر بالاسلوب العقيم ده يبقى انت انسان سطحى اوى.. خلاص البلد خلصت مفيهاش الا هو من وسط سبعين مليون حمار!! اشمعنى؟ علشان مخطط!!
-انت عارف طبعا انى مش بفكر كده واكيد فى سبب تانى
-علشان هو شبعان ومش حيسرق؟؟
-لا مش دى نظريتى... ده المفروض يتحاسب على اللى سرقه
-متقوليش علشان هو كويس ويستاهل كل خير
-ممممممم.. انا مش حرد عليك
-طب ايه السبب يعنى؟
-حاجة بسيطة,, انت دلوقتى عايش فى مجتمع ابن الظابط فيه بيطلع ظابط,, وابن دكتور الجامعة بيتعين معيد,, وابن البواب بيطلع بواب, وابن الدكتور بيطلع دكتور,, وابن رجل الاعمال بيطلع رجل اعمال,, هى دى ثقافتك.. ليه عايز تتبرى منها.... هى جت على رئيس الجمهورية؟؟ اشمعنى هو يا اخى!! طب مش بذمتك يبقى ظلم!!!
-طب واحنا؟؟
-احنا حيطلع ميتين امنا
Subscribe to:
Post Comments (Atom)
1 comment:
حلوة
Post a Comment